पारस शाहको अवस्था स्थिर, तर खतरामुक्त भन्न सकिदैन्: अस्पताल

काठमाडौं । पूर्व युवराज पारस शाहको अवस्था स्थिर भए पनि खतरामुक्त नभएको भन्दै नर्भिक अस्पतालले सीसीयुमा सारेको जनाएको छ ।सोमबार हृदयघात भएपछि नर्भिक अस्पतालमा भर्ना गरिएका शाहको स्वास्थ्य अवस्थाबारे जानकारी दिन आयोजित पत्रकार सम्मेलनमा उनको ब्लड प्रेसर र सुगर नर्मल छ। तर, ७२ घन्टा अघि उनलाई खतरामुक्त भन्न नमिल्ने अस्पतालले बताएको छ ।

मुटुरोग विशेषज्ञ डाक्टरहरु यादवदेव भट्ट, जेपी जैसवाल, डाक्टर नग्मा श्रेष्ठ, डाक्टर प्रज्वल श्रेष्ठ, डाक्टर सन्तोष श्रेष्ठ लगायतले शाहको स्वास्थ्य अवस्था बारेमा जानकारी दिएका थिए । सोमबार दिउँसो ४ बजे उनलाई हृदयघात भएपछि नर्भिकमा पुर्‍याइएको थियो। मुटुको नशाको अवस्था हेरेर आइसीयुमा भर्ना गरिएको थियो। डाक्टर भट्टले उनलाई वंशानुगत हर्ट अट्याक भएको जनाएका छन्। त्यसकारण उनको अवस्था जोखिममै रहेको डाक्टरहरुको टिप्पणी छ। यसअघि पूर्व राजा ज्ञानेन्द्र शाहको पनि हृदयघात भएको थियो।

अस्पतालले ७२ घन्टापछि शाहलाई सीसीयुबाट नर्मल बेडमा सार्ने जनाएको छ तर डिस्चार्ज कहिले हुने भन्ने बारेमा यकिन नभएको अस्पतालले जनाएको छ।