अस्पतालमा सरकारको दम्भ तोडिसक्यौ, अब डा. केसीका मागमा दम्भ तोड्छौ-गगन थापा

काठमाडौं । नेपाली कांग्रेस नेता तथा सांसद गगन थापाले अस्पतालको बिषयमा सरकार झुकेको र गोविन्द केसीका बिषयम पनि झुक्ने दावी गरेका छन् । संसद बैठक स्थगित भएपछि प्रतिनिधिसभा परिसरमा पत्रकारसँग कुरा गर्दै थापाले सरकारको एउता दम्भ तुहिएको बताए ।
डा. गोविन्द केसीसँग वार्ता गर्न सरकारले अहिलेसम्म कुनैपनि पहल नथालेको भन्दै आक्रोस पोखे । ‘एउटा सत्याग्रही, जसले जनताका हकहरु बोकर २० दिनदेखि अनशनमा छ, त्यसलाई सरकारले कुनै वास्ता गरेको छैन’, थापाले भने ‘यो दुई तिहाईका नाममा सरकारको दम्भ हो, दुई अस्पतालका बिषयमा हामीले सरकारलाई देखाइ नै दियो, ढिलो चाँडो गोविन्द केसीका बिषयमा सरकारको दम्भ पनि देखिनेछ ।’
गिरिजाप्रसाद कोइराला स्वासप्रश्वास केन्द्र र सुशील कोइराला क्यान्सर अस्पताललाई केन्द्र सरकार मातहत राख्ने निर्णय दुई दिनअघि मात्र सरकारले गरेको थियो । यही बिषयलाई लिएर कांग्रेसले संसद बैठक अबरुद्ध पार्दै आएको थियो । सरकारले दुई अस्पताललाई केन्द्र सरकार मातहत ल्याएपछि थापाले दुई तिहाईको दम्भ तोडेको बताए ।